شيرين عبدالوهاب
نصر محروس: مش هنسيب شيرين لشلل تنهشها وانا خدامها
هاجر عاطف
دعم الفنان نصر محروس شيرين عبد الوهاب في أزمتها الأخيرة ، خلال مداخله هاتفية مع الأعلامي عمرو أديب ببرنامج "الحكاية".
ربما يعجبك
وبدأ نصر محروس حديثه مع عمرو أديب مؤكدا أنه تواصل مع شقيق شيرين عبد الوهاب لفهم طبيعة حالتها، مؤكدا: "إحنا جنبها ومش هنسيبها لشلل تنهشها وتبهدلها، شيرين بنت كل بيت في مصر، كل الناس بتحب شيرين وبتسمع شيرين".
وتابع: " في شلة حواليها هي اللي وصلتها لكده، مش لوحدها، مش زرع شيطاني طلعت كده"، رافضا ذكر أسماء الأشخاص المقصودين.
وأكد نصر محروس: "أهم حاجة عندي أن شيرين يوم ما تفوق من اللي هي فيه، هتبعد عن كل ده وهترجع تاني وتغني وتفرحنا ونفرح بها، وهنقف جنبها ومش هنسيبها".
ورد عمرو أديب قائلا: "شيرين ماقابلتش في حياتها رجل يقف جنبها، أنت الرجل الوحيد اللي ممكن تقف جنب شيرين"، ليجيبه نصر محروس: "وأنا عمري ما هسيبها، أنا تحت أمرها وخدامها لغاية ما تقوم من الوعكة اللي فيها، والأستاذ مصطفى لما جت له قال لي أنا والمجلس معاك قلبا وقالبا، وإن شاء الله هيبقى في أخبار كويسة عن شيرين قريب".
وتدخل مصطفى كامل قائلا: "نداء لكل زملائنا إن إحنا نجتمع ونروح لشيرين زيارة ندعمها ونقف جنبها وندعي لها وندعي لأولادها"، ليقاطعه عمرو أديب موضحا: "يبقى في أحسن لو 3 أو 4 أفراد لو المستشفى وافقت"، وأجابه نصر محروس مؤيدا: "ممكن يكون الزيارة ماتنفعش لكن اللي ضامنه حاجة واحدة، طول ما في نفس يدخل ويخرج أنا تحت أمر شيرين في الموضوع ده ومش هبعد عنها، ومصطفى كامل حط إيده في إيدي ومش هنسيبها".
وأكد نصر محروس: "من كان منكم بلا خطيئة فليرجمها بحجر، شيرين بنت كل بيت في مصر، صوت بيغني في قلوبنا".
واستنجدت كريمة أبو زيد، والدة الفنانة شيرين عبد الوهاب، من زوجها السابق الفنان حسام حبيب.
وقالت والدة شيرين عبد الوهاب، في تصريحات مع الإعلامي عمرو أديب عبر برنامج "الحكاية": "حسام حبيب ده شر أنقذوا بنتي منه وبتسهروا هما الاتنين يشربوا مخدرات وأنا اللي طلبت من ابني إنقاذ أخته".
نرشح لك - هل تزوج ندى الكامل؟ عمر كمال يكشف حقيقة صورته مع أحد الشيوخ
وأضافت: "طردت حسام حبيب من بيتي وهو شر وبنتي بقالها 3 أيام بتشرب وطردتني أنا وأختها من البيت".
وتابعت: "كان هناك خلافات سابقة بيني وبين حسام حبيب، وعلاقتي ببنتي كانت كويسة جدًا، ولكنه أول ما جه طردتني أنا اللي اترجيت ابني عشان مش مآمنة عليها وحسام حبيب قالي هتجوزها قولتله لما تشوف حلمة ودنك".
واختتمت: "بطلب من ربنا تحموا شيرين من حسام حبيب والمنتجة سارة الطباخ".
