شيرين عبد الوهاب
17 تصريح لمحامي شيرين عبد الوهاب يحسم الجدل حولها
هاجر عاطف
أدلى ياسر قنطوش محامي شيرين عبد الوهاب بعدد من التصريحات حول الحالة الطبية والقانونية للفنانة خلال مداخلة هاتفية لبرنامج “حديث القاهرة”، مع الإعلامي خيري رمضان وكريمة عوض، عبر فضائية “القاهرة والناس.
ربما يعجبك
ويرصدها الصفقة في السطور التالية:
– الفنانة في المستشفى لأن فيه تقرير طبي بيقول إنها لازم تتعالج.
-ومن حقها تخرج من المستشفى وتتعالج في أي مكان تحبه لكن لسه فيه تحقيقات
-المختصين بالمستشفى أوضحوا أنه لابد من معالجة حالة الفنانة لمدة لا تقل عن شهر
-بعض أصدقائها عرضوا يسفروها بره للعلاج
-لازالت شيرين في المستشفى بسبب تعليمات الطاقم الطبي، الذي أكد أنها تحتاج للعلاج بالوقت الحالي، ولابد من وضعها تحت أعين الأطباء
-أنا تفاجئت بـ حسام حبيب واقف عند المستشفى اللي فيه شيرين وقال أنت الوحيد اللي اتحركت علشان تنقذ شيرين
-ولما سألته شيرين فوق بتعمل إيه قالي أخوها دخل التجمع الخامس وضربوها ودخلوها المستشفى غصب عن إرادتها
-طلبت إنها تخرج من المستشفي تحت رعاية أخوها أو حد من أهلها
-أنا مع أهلها وأي حد مع شيرين أنا معاه
-مع احترامي لـ سارة الطباخ وحسام حبيب وأهلها لو هما معاها أنا معاهم مش ضدهم
-اللي أنا عايز أوصله للأستاذ محمد أخو شيرين اللي بيقول عليا إني مع مجموعة عصابة وأنا هسامحه في الكلمة دي علشان خاطر شيرين بس
-وأنا محامي شيرين من 3 شهور بس، وكل اللي عملته إني جبتلها حقها من حسام حبيب
-ولو أنا وجهت اتهام لأخيها بسوء فهم أنا هبعت حد يتنازل عنه لأني مش ضد شيرين عبد الوهاب ولا ضد أهلها
-محامي شيرين عبد الوهاب: مصلحتها أنها تفضل في المستشفى
-وجدت في النيابة الصياغة اللي اتقالت ليا لما الناس جابتلي بتقرير أنها مريضة
-مصلحتها إنها تفضل في المستشفي لأن أنا يهمني مصلحة الفنانة شيرين عبد الوهاب
-المستشفي جابت تقرير طبي قدم مستندات بتقول أن شيرين عبد الوهاب مريضة ومحتاجه علاج ولما عرفت كده خدت بعضي ومشيت.. وانسحبت فورًا مكملتش.
