"عارفين موقفي تماما ضد الأخوان" ..أول رد لشريف إدريس بعد اعتزاله الفن

تصريحات الفنان شريف إدريس، بعد اعتزاله الفن وذلك من خلال منشور عبر حسابه بموقع التواصل الإجتماعى “فيسبوك”، حيث كتب في بوست: "معلش يا جماعه أنا بعتذر للجميع عن عدم ردي عالتليفون وانا الحمد لله كويس وبخير..بس فيه كام حاجه مهمه جدا عايز اوضحها..الناس اللي بتقولي شيل البوست علشان ولادك ، انا مش محرج ولا مكسوف من اللي كتبته..واللي كتبته وحضراتكم مش قادرين تفهموه اني راجل بيحترم نفسه ومش قابل إهانه في شغلي اللي اتربيت فيه وولادي هيكبرو ويفهمو ده".

ورد "إدريس" علي أعتقد متابعينه، أنه يُفكر في قتل أطفاله، وأوضح "إدريس": "أنا ماقولتش اني فكرت أقتل عيالي انا قولت ان الضغوط اللي انا فيها وصلتني اني بحلم بكوابيس اني بقتل عيالي..واظن كلكم بتحلمو بكوابيس…عيالي دول هما كل حاجه في حياتي لا يمكن أأذيهم ولا أفكر أأذيهم، انا ماقولتش اعتزلت علشان أتوب..أتوب عن إيه مش فاهم  انا شاركت من وانا عيل صغير في اعمال محترمه الكل بيحبها..وعمري ماشاركت في حاجه خليعه".

ويذكر أن بعض المتابعين، اعتقد أن سبب اعتزال "إدريس" سبب سياسي وله علاقة بالأخوان، وأوضح "إدريس" : "أيوه أنا بدور علي فرص سفر كويسه مش علشان بكره البلد انا بعشق تراب البلد دي أكتر من أي حد.. ناس كتير بعتتلي ان قناة الجزيره مشيره البوست بتاعي..وصفحات الاخوان..ودي مش مسؤليتي وكل الناس عارفين موقفي الواضح تماما ضد الإخوان ..وكل الناس عارفين انهم بيصطادو في الميه العكره..والأهم ان انا كل كلامي واضح وصريح ومالوش اي علاقه بالسياسه ولا اتهمت الدوله ولا قولت مؤامره ولا قولت اي حاجه اصلا..دي ارزاق والارزاق علي الله وانا راضي بقضاء الله وقدره…الحمد لله".

وتابع: "الحمد لله اني اخدت قراري وانا واقف علي رجلي وبصحتي لأن فيه. زملاء وصلو لمراحل صحيه صعبه ربنا معاهم ويشفيهم…فانا مش هستني يجرالي حاجه وابقي راقد".

واختتم شريف إدريس: "دعواتكم..انا الحمد لله كويس وبخير..وان شاء الله كله هيعدي..من كان رزقه علي الله فلا يحزن، تحياتي للجميع وشكراً ليكم ولمحبتكم".