حلا شيحة تعلن عن مبادرة لمساعدة عمال النظافة

أعلنت الفنانة حلا شيحة عن تبنيها مبادرة لإحدي صديقاتها تهدف للتبرع بمبلغ 200 جنيه لعمال النظافة والبنزين لإدخال البهجة والسعادة على قلوبهم قبل حلول شهر رمضان المبارك.

وأعادت حلا شيحة نشر مقترح صديقتها عبر خاصية "ستوري" بحسابها الشخصي على موقع "إنستجرام"، والذي جاء نصه كالتالي: "200 جنيه غالبًا بتبقى أقل حاجة بنصرفها، لو خارجين مع صحابنا وبتبقى خروجه، مش متكلفة كمان".

وتابعت: "200 جنيه لو اديتهم لعامل في الشارع أو unexpected tip بتاع الديلفري، أو البنزينة أو عامل نظافة أو جنايني، ممكن يفضل مش مصدق نفسه، ويفضل فرحان بقيت الشهر، هو متوقع أقصى حاجة من 10 لـ 20 جنيه، بس 200 جنيه ده رقم محترم بالنسبة له، وحقيقي مش هتفرق معانا، لو مخرجناش المرة دي وأكلنا في البيت".

واختتمت "حلا"، وكتبت: "صح جدًا بدل ما نبص على المبلغ اللي طالع، نبص على المكسب أكيد عند ربنا كبير جدًا".