حسن شاكوش
حسن شاكوش عن أزمته مع ريم طارق: ماينفعش اتكلم عن واحده كانت مراتي
تحدث حسن شاكوش عن أزمته مع طليقته ريم طارق، مشيرًا إلى أنه كان يرفض الحديث طيلة الفترة الماضية ولكن ما سمعه في حقه لا يرضي أحدا، لافتًا في الوقت نفسه إلى أنه رفض الظهور في برامج تليفزيونية حتى لا يتحدث عن أزمته لأنه يرفض الحديث في حق أي فتاة أو سيدة.
أزمة حسين شاكوش مع ريم طارق
وقال حسن شاكوش في فيديو عبر حسابه الخاص بموقع التواصل الاجتماعي فيس بوك: اتعرض عليا أظهر في أكتر من برنامج ولكني رفضت، وقلت مستحيل أتكلم على واحدة كانت مراتي أو مش مراتي ولا عمري جبت سيرة بنت أو غلطت في حق بنت وعارف يعني إيه المرأة المصرية وشرف المرأة المصرية، وزي ما الست ليها شرف وكرامة الراجل ليه شرف وكرامة.
وأضاف حسن شاكوش: أنا اتجوزت 55 يوم فقط، واللي كنت هطلع أقول له وأحكي فيه عن الأزمة طليقها طلع قاله فأنا هطلع أحكي في إيه تاني؟
وأردف شاكوش: اللي اتربيت عليه واللي أهلي ربوني عليه لإني من منطقة شعبية وراجل صعيدي وما اتكلمتش مش خوف ولا ضعف ولكن علشان الإنسانة دي كانت مراتي وما بينفعش أتكلم في حاجة تمسني أو تمسها لإني لو اتكلمت أو جبت سيرتها هتعود عليا علشان كنت في يوم من الأيام الراجل بتاعها وجوزها، وما ينفعش الراجل يجيب سيرة مراته ورغم أبشع الالفاظ اللي سمعتها وأهلي اللي اتشتموا على السوشيال ميديا لكني كنت بقول لهم محدش يتكلم وكنت طول الفترة اللي فاتت في ضغط عصبي وفي عز المشاكل ما اتكلمتش.
