طارق الشناوي: تامر حسني أكثر مطرب عنده مشروع سينمائي بعد عبد الحليم

قال الناقد الفني طارق الشناوي:"تامر حسني أكثر مطرب عنده مشروع سينمائي بعد عبد الحليم حافظ".

نجاح أفلام تامر حسني

وأضاف خلال لقائه ببرنامج "الحياة اليوم" الذي تقدمه الإعلامية لبنى عسل بقناة "الحياة":"كل سنة أفلام تامر حسني بتنجح، وهو لما بينتج بيكون عارف انه هيكسب والإيرادات كلها هتعود له".

وتابع: "تامر حسني موهوب في التمثيل بس عليه أنه يفتح الباب لأفكار أخرى، يعني هو نازل اسمه المرة دي في فيلم تاج كمؤلف والفيلم اللي قبله مؤلف ومخرج، والمرة دي بيقدم شخصية السوبر هيرو اللي اتقدمت كتير في أفلام أجنبية وكان المفروض مش يبدأ من الصفر ولكن يبدأ من حيث انتهى الآخرون احتراما للجمهور فكان لازم يبقى فيه حرفية وإبداع أكتر".

ولفت:"تامر حسني من الناس اللى حريصة علي وجود مشروع سينمائي موازي له كمطرب بيمتلك فن الأداء وعنده حضور وخفة دم".