الطفل ياسين لمنى زكي: هفتخر بالشغل معاكي طول حياتي

وجه الطفل عمر شريف، ابن منى زكي في “تحت الوصاية”، رسالة لها من خلال صفحته على “فيسبوك”.

وكتب عمر: "شكرا على الفرصة الكبيرة اللي ادتيهالي إني أشتغل مع حضرتك.. شكرا على ثقتك فيا.. أتمنى أكون قدها.. اتعلمت من حضرتك كتير أوي على المستوى الفني و الشخصي".

وتابع: “مش عارف أوصف قد إيه كنتي حنينة عليا ورا الكاميرا وده طمني وساعدني أكون أحسن، الشغل معاكي حاجة هفضل أفتخر بيها طول حياتي.. أشوفك قريب يا حنان.. وهخلى بالى من فرح #تحت_الوصاية”. وعلقت الفنانة منى زكي على مصير أبناء شخصية “حنان” التي قدمتها في مسلسل “تحت الوصاية”، بعد عرض حلقته الأخيرة وحبسها عاما مع الشغل بتهمة سرقة المركب. 

وكشفت المحامية نهاد أبو القمصان عن مصير أبناء حنان وفقا للقانون، في منشور لها عبر “إنستجرام” قائلة: "الأم اتسجنت ليه؟ الأم اللى نجحت فى إدارة أموال ولادها وعملت مطعم اتسجنت بتهمة السرقة، لأنها أخدت أموال القصر بدون موافقة من النيابة الحسبية، والعم كان ممكن تنازل عن البلاغ، بس محدش بيطمع وفجأة يطلع ملاك ويتنازل".

وأضافت: “مين هيصرف على العيال؟ قانونا الإنفاق مسئولية عمهم لأنه الوصى، وحتى لو مش وصى لأنه قرابة من جهة ”العصب"، ولأن العم فاشل فى إدارة حياته أصلا ومش عارف يصرف على نفسه ويتجوز، فغالبا مش هيعرف يصرف على الولاد، طيب يروحو لخالتهم؟ خالتهم مش بتشتغل وجوز خالتهم مش ملزم يصرف عليهم أو ربما معندوش إمكانية يصرف، فغالبا الأولاد هيتحطو فى دار رعاية". 

وأوضحت: “ممكن البعض يشوف دا صعب قوى أو خيال مؤلف، لكن فى الواقع وفى المحاكم حكايات صعبة أصعب من كدا كمان، لما بنحكى للمؤلفين عن اللى بيشوفوه فى الواقع بيتصدموا لأن قوانيننا من أيام أهل الكهف.. مسلسل ”تحت الوصاية" حطنا قدام مراية قانون من ضمن قوانين كثيرة قوى أقل ما يقال عليها (سيئة)".