محمد مختار يكشف حقيقة إفلاس" عماد حمدي" بسبب نادية الجندي

قال المنتج محمد مختار: "نادية الجندي حبتني أكتر من رانيا يوسف، لإن مفيش حد يحب حد ويتهمه بالبخل في الإنفاق على بناته مثلما فعلت رانيا".

وتابع خلال الجزء الثاني من لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس": "إزاي تنكر إني بصرف علي بناتي وفيه مستندات تثبت كده، انا بدفعلهم 15 ألف جنيه في الشهر و700 إلى 800 ألف جنيه مصروفات دراسية سنويا، والفلوس دي بتدفع من خلال محكمة".

وأضاف: "لما بنت رانيا يوسف جت عملت عمليتين وأنا الوحيد اللى كنت معاها، أنا شيلت ولادي أكتر من دلوقتي ولكن لما رفعت قضية عليا وفكرت أنها انتصرت أنا بقيت أدفع المبالغ المالية اللى المحكمة ألزمتني بيها".

ووجه محمد مختار، رسالة قوية لرانيا يوسف: "أنا بناتي في عيوني، وكل يوم تقريبا بكلمهم والصغيرة بتكلمني وهي في إسبانيا، إنما الكبير بقالنا شهر متكلمناش".

وأضاف: "رانيا يوسف اتعرفت في السوق بعد لما اتجوزتني واتشهرت علي حسي، ومحدش كان يعرفها قبل جوازنا وبقولها مش عايز اعرف عنك حاجة تاني".

حقيقة إفلاس عماد حمدي علي يد نادية الجندي

وأكد: "نادية الجندي كانت الراعي الرسمي للفنان الراحل عماد حمدي قبل وفاته وكان طلباته أوامر ومفيش كلام إنها سابته وفلسته، هي اللى وقفت معاه ودعمته، هي جدعة جدا ".