محمد مختار يعتذر لنادية الجندي على الهواء.. ارجوكِ تسامحيني على اللي حصل

قال المنتج محمد مختار، إنه يعتقد بأن الفنانة نادية الجندي أحبته بصورة أكبر من رانيا يوسف، وذلك بعد سؤاله عن أي الفنانتين أحبته بصورة أكبر.

وأضاف خلال لقاء لبرنامج «حبر سري»، الذي تقدمه الإعلامية أسما إبراهيم عبر فضائية «القاهرة والناس»، مساء الاثنين: «ليه مقولتيش رنا الهواري أم عمر؟ مش عارف بتهيألي نادية، معتقدش واحدة حبت (رانيا) وتعمل كده».

وتوجه برسالة إلى نادية الجندي على الهواء، قائلًا: «أنا جيت هنا عشان خاطرك وأعتذر لك، وأرجوكِ تسامحيني على اللي حصل ده كله، عارف إني السبب».

وأكد أنها المرة الأخيرة التي سيتحدث فيها عن تلك الموضوعات، وخاصة أنه يرفض الحديث عنها طوال الوقت، معقبًا: «لو في كلام تاني مستقبلًا الناس تعرف أسبابه إيه، سواء لعبة التريند أو ألعاب ملناش دعوة بيها».

ووجه رسالة إلى رانيا يوسف، بقوله: «مفيش داعي للحاجات دي بتخسر والناس مبتصدقش، ممكن تشوفي حاجة تانية يبقى لك بيها جماهيرية وتكوني عالية على مواقع التواصل، أنتِ حرة اتصرفي زي ما أنتِ عاوزة أنا مليش حكم عليكي، لكنها المرة الأخيرة اللي أطلع فيها كلام في الموضوع ده».