محمد الباز يهاجم عمرو أديب: خدام وعميل سعودي ومعاه فلوس تكفيه لبعد يوم القيامة

شن الإعلامي "محمد الباز"، هجوما لاذعا على الإعلامي "عمرو أديب"، واتهمه بأنه "عميل سعودي يخدم مشروعها وأجندتها" التي قال إنها "مشروعة".

جاء ذلك في تعليقه عبر حسابه بموقع "فيسبوك"، على ما ذكره عمرو أديب من تخويفه للمصريين من المستقبل، و"ادعائه" تأثره بالأزمة الاقتصادية الحالية في مصر.

هجوم محمد الباز على عمرو أديب 

وقال “الباز” خلال البث المباشر: “مش عايز الناس تخدعكوا، بمعنى مش عايز أي مذيع وذلك في إشارة إلى الإعلامي عمرو أديب، حيث قال “في مذيع في قناة ليست مصرية وهو تحديدا الأستاذ عمرو أديب عشان نكون بنتكلم بشكل مباشر فيطلع بتنطع شديد مثلا ويقولك انا خايف، وخايف على أولادي.. ومش عارف ايه.. ليه لا تصدقو هذا الهزل اللي بيقوله الأخ عمرو أديب متصدقهوش ليه لانه حتى لو في مشكلة صغيرة جدا عمرو مش هيتأثر بحاجة لا هو ولا ولاده ولا عيلته”.

وتابع، “أخر عمرو أديب هيروح يعيش في السعودية لأنه عنده كفيل سعودي معندوش مشكلة طب حضرتك لا انت عايش عيشة الناس في مصر ولا ليك علاقة بالناس في مصر وعمال بتقول انك مش اخوان ومش اجندة لا انت اجندة عمرو اديب اجندة تمام .. بتكلم ورزقي على الله عمرو اديب راجل أجنده سعودية من الأخر والسعودية دولة من حقها انها تبني نفسها وتحلم وتتقدم عشان الكلام يكون منضبط السعودية من حقها تعمل كل حاجة في صالحها.. وهي بتعمل ده لابد أن تجند ناس في السياسة في الإعلام في الأدب الفن تجندهم بمعنى انهم يشتغلوا لمصلحتها وليس عملاء”.

وأضاف محمد الباز: “ببساطة عمرو أديب عميل سعودي، عميل الراجل بيخدم المشروع السعودي لأنه لديها مشروع زي مصر ما ليها مشروع زي الصومال والأردن والكويت لكنني أرى أن اجندته سعودية، يروج إليه عمال على بطال حلو وحش بتروج له فانت مالك هنا.. وتيجي تقول انا خايف.. خايف ياريس.. خايف من ايه انت راجل عندك فلوس لو قعدت تصرف فيها لبعد يوم القيامة بسنتين مش هتخلص فده مثلا الجزء مخليني اشوف المسئلة مظبوطة انت بتتكلم على أي ارض واي اساس وبتقول ايه اصلا الناس موجودة في البلد دي ومرت عليها ازمات مشاكل والمصريين عبروا لازمات دي والمشاكل بشكل عبقري جدا ولم يركنوا لمثل هذا الجو في خلق حالة سلبية كبيرة جدا”.

وأكد المشكلة “أنني معتبر الاخ عمرو أديب راجل صاحب اجندة تروج وخادم للمشروع السعودي هما عندهم حق انت بقى اختارت انك تخدم عند السعودية دي حكايتك ولا الومك فيها لكن ماتسودش عيشت الناس هنا”.