أشرف زكي عن الفاتورة الإلكترونية: الفنانين المطحونين يجيبوا منين؟
ناشد نقيب المهن التمثيلية الدكتور أشرف زكي، وزير المالية والجهات المعنية بإرجاء العمل بالفاتورة الإلكترونية لحين إجراء حوار موضوعي مع النقابة.
ربما يعجبك
الفاتورة الإلكترونية
وقال الدكتور أشرف زكي خلال مداخلة هاتفية ببرنامج “حضرة المواطن” :”احنا مش فاهمين حاجة عن الفاتورة الإلكترونية وهي مش قرارات منزلة من السماء، انا بحترم منظومة الضرائب في مصر ولكن مينفعش نتفاجئ بحاجة مش عارفين عنها حاجة”.
وتابع:”هل المطلوب مني بعد لما امثل مشهدين اسجل فاتورة الكترونية، الفنانين المطحونين اللى مش شغالين يجيبوا منين رسم تسجيل”.
ولفت:”فوجئت من شوية ببيان من نقابة المحامين بإرجاء تفعيل الفاتورة الإلكترونية مع المحامين لما بعد 15 ديسمبر، هل يتم الكيل بمكيالين؟.. احنا عايزين ندفع ضرائب واحنا من اكتر الناس دافعي الضرائب، ولكن حد يفهمنا تمشي ازاي، انا مش هاخد معايا لاب توب ويندوز 10 واقعد اسجل “.
وأضاف:”هنبقى فريسة لبعض المحاسبين القانونيين اللى هيستغلونا ويقولولنا دي بـ5 ودي بـ10 لذلك يجب ارجاء تفعيل الفاتورة الإلكترونية لحين عمل حوار مجتمعي “.
وتساءل:”ماذا عن الطبقة المعدومة من الممثلين الصغار ولاعبي السيرك أو راقصي الفنون الشعبية دول موظفين حكوميين هيجيبوا منين للضرائب”.
