شيرين وحسام عبد الوهاب
سمية الخشاب بعد عودة شيرين لحسام حبيب: منتعاطفش مع حد إلا لما نتأكد أنه متعاطف مع نفسه
هاجر عاطف
وجهت الفنانة سمية الخشاب رسالة إلى جمهورها طالبتهم فيها بعدم التعاطف مع أي شخصية إلا بعد التأكد من أنه لن يكرر أخطائه.
ربما يعجبك
وفسر الكثيرون تغريدات سمية الخشاب أنها تقصد الفنانة شيرين عبد الوهاب بعد عودتها إلى طليقها الفنان حسام حبيب.
حيث كتبت سمية الخشاب عبر مواقع التواصل الأجتماعي “تويتر”: "بعد كده يا حبايبي منتعاطفش مع حد إلا لما نتأكد أنه هو نفسه متعاطف مع نفسه عشان منحرقش كتير على الفاضي”.
وأضافت: أي علاقة تمنها كرامة الإنسان تغور في ستين داهية، العالم فيه 6 مليار والله.
وأكملت: الواحد لما بيركز فى شغله وحياته وشكله بيوصل لمرحلة ملكية مبيبقاش فعلا محتاج لحد، إلا لو هو بلا هوية ولازم يكون تابع لحد عشان يعرف يعيش.
وكانت النجمة شيرين عبد الوهاب قد أكدت في مداخلة هاتفية مساء أمس "الجمعة" مع الإعلامي عمرو أديب أنها عادت للفنان حسام حبيب وتم عقد القران، وأنها تعد جمهورها بأنها في أمان، ولن تتحدث مرة أخرى فيما يخص أمور بيتها، مشيرة إلى ان الإعلامية نضال الأحمدية أرسلت لها هي وحسام باقية ورد.
وقالت شيرين عبد الوهاب: "تم كتب كتابي على حسام جبيب امبارح الساعة 9 بليل بحضور أقرب الناس لينا، أخواتنا وبطمن الناس عليّ وعايزة استغل الفرصة دي واقول اني بعتذر لحسام عن كلام صدر مني في يوم من الأيام".
وتابعت: كنت السبب أن الحياة دي اتفتحت على الناس والناس دي انشغلت بيا ضمن مشاكلهم، فأنا في عصمة رجل طيب جدا ولو كنت قولت كلام عنه فهو كان مزعلني فدا شيطان بيحصل بين المتزوجين، واحنا كان معمول لنا حاجة كبيرة أوي واتفكت الحمدلله، أنا اصغر من الكلام عن الأعمال لكنها ذكرت في القرآن واحنا مش معصومين من الغلط ،أنا غلطت لما طلعت اتكلمت بصوت عالي، أنا شيرين اللي طلعت واتكلمت والحقيقة كل حاجة كانت في العلن زعلي كان في العلن وحبي كان في العلن وكله كان في العلن.
وعلق حسام حبيب على تصريحات شيرين قائلا: "أحنا حياتنا زي أي اتنين متزوجين، أحنا اتكلمنا قبل الرجوع واتفقنا على قوانين وقواعد، وحطينا مشاكلنا وحليناها ووعدنا بعض أن كل واحد فينا يخلي التاني مبسوط بيه، وحياتنا الخاصة لينا احنا بس".
