أحمد شوبير
خايف القي بيقدم مكاني.. شوبير يهاجم محمد صاحب واقعة الكشري
هاجر عاطف
هاجم الإعلامي أحمد شوبير حارس مرمى الأهلي ومنتخب مصر السابق محمد الذي تم طرده من محل كشري التحرير.
ربما يعجبك
وقال أحمد شوبير:«على غير العادة هبدأ النهاردة بموضوع مش بيخص الكورة ولا الرياضة لإنه بيخص عاداتنا وسلوكياتنا ورودو أفعالنا لإن ده مهم جدا، زمان كنت مندفع شوية وأي حد يقول لي كلمة أصدقها ومع خبرات السنيين بدأت أهدى ودائما بقول حكمة: لما يجيلك واحد وعينه مفقوعة ويوقل لك فلان فقع لي عيني أوعى تحكم له قبل ما تشوف الثاني فممكن يكون الثاني عينه الاثنين مفقوعين».
وأوضح أحمد شوبير :«ليه بقول الكلام ده عشان مع انتشار السوشيال ميديا الدنيا اتغيرت زمان وانا في النادي الأهلي كان بيجيلنا واحد ياخد أوسكار في التمثيل قابلني وقال لي أنا بشتغل في شركة المقاولون العرب، أنا شغال سواق وعايز سلفة 70 جنيها فقط، ابني عنده السكر وبيتعالج وأمبارح جات له الكومة ومقدرتش أعالجه، وكنا بنقبض وقتها 350 جنيهًا، واديته المبلغ وفرحت جدا بعمل الخير وبعد كام شهر لقيته واقف مع كابتن أنور سلامة وبيقول له ابني امبارح جات له أزمة الربو وكابتن أنور سلامة لسه هيطلع من جيبه قلت له امسك، والراجل طلع خارج النادي، وفات كام شهر لقيته عند بوابة نادي الزمالك وبيعمل القصة نفسها مع أحد لاعبي نادي الزمالك والمرة دي للأسف بيقول ابنه عنده كانسر ولحقت برضه لاعب الزمالك والراجل هرب».
وتابع أحمد شوبير:«أنا بقول الكلام ده ليه عشان من كام يوم مصر قامت عشان أخونا بتاع الكشري وطردوه وعملوه ومش عارف ايه وأحمد العوضي عزمه وشغله فين، ومصر كلها تعاطف، والحقيقة الفار لعب في عبي أيه الحدودتة، وإذ فجأة الأخ بتاع الكشري بيحضر عزاء فريد الديب وبيحضر برنامج أيه وراح يغني مع مش عارف مين ويمثل مع مش عارف مين، وعمل فيديوهات، وقال لك ماشي ومعاه بودي جاردات ومش عارف أيه، والموضوع كله كان ضحك على الناس والناس بدأت تفوق».
وأضاف شوبير:«أنا مش قصدي حاجة بس مش معقولة الأخ محمد اللي مطلعش اساسا عامل نظافة ونصطبح بالكشري ونتعشى بالكشري، فأنا عجبني جدا محمد عز وعلي الألفي لما دخل بتاع الكشري وهما بيصورا فيلم أو مسلسل طردوه وقالوا له حد عزمك، وكتب الناس طرودوني، فالناس فرحت جدا بطرده وعلي الألفي كتب بعدها شخصية لزجة، هو انت يا ابني نجم ولا حاجة، بني أدام على راس راسنا، ورجع الألفي علق: بلطجة لزجة وأنا فرحت بطرده، فنخلي بالنا وما ننساقش وره أي حاجة».
