خلال كلمته في فعاليات المنتدي الاقتصادي
الرئيس السيسي: محاصرة الضغوط الداخلية والخارجية كانت تتطلب دعما شعبيا
قال الرئيس عبد الفتاح السيسي، خلال كلمته بفعاليات المؤتمر الاقتصادي مصر 2022،: "لقد كان واضحا أن عمق الأزمة التي نعاني منها في العصر الحديث يتطلب إجراءات عاجلة وحلول جذرية".
ربما يعجبك
تحدث الرئيس عبد الفتاح السيسي، عن المسارات الاقتصادية للدول، قائلا: "أي مسار اقتصادي وأي حلول بتطرح لازم متخذ القرار والمسئولين يشوفوا البيئة السياسية والاجتماعية والثقافية.. تقدر تساعده على أنه يمرر هذا المسار ولا". وأضاف الرئيس السيسي، خلال كلمته في فعاليات المنتدي الاقتصادي: "ممكن كلنا نقول عن حلول ورجال الاقتصاد يحطوا خرائط قوية ومهمة جدا.. طب هو اللى بيخلي الناس ما تعملش.. إذا كانت الأمور واضحة بالطريقة دي.. أي حد عاوز يعمل القرارات دي.. هي مش شجاعة قرار بقدر تكلفة القرار ده.. التكلفة أكبر من العائد.. بيقول بلاش نعمل الإجراء ده". وتابع الرئيس السيسي: "وده السبب في تقدير المسئولية.. يا تري المجتمع والرأي العام والمفكرين والمثقفين هيقبلوا ده؟.. والبيئة الدينية والإعلامية كمان؟.. تجربة الإصلاح فى 77 كاشفة.. دى كانت قروش بسيطة.. التمن كان أكبر من العائد كبداية طريق إصلاح.. مهم وإحنا بنتكلم في المسار الاقتصادي.. لازم تحكمه عوامل اتخاذ القرار.. دي فلسفة الحكم والمسئولية.. واحنا قاعدين في مكاني وبتكلم.. كلامي لا يأخذ ولا يرد غير موقع المسئولية".
وأكد الرئيس عبدالفتاح السيسي، أن محاصرة الضغوط الداخلية والخارجية كانت تطلب دعما شعبيا ومستمرا وتضحيات لم يكن الرأى العام مستعد لتقديمها في ظل حالة العوز والفقر، معلقا: "بتتكلموا على 7 تريليون جنيه ما يوازى 350 مليار دولار اتصرف خلال 7 سنيين اللى فات.. فيه دول أقل مننا قد الرقم ده على الأقل.. ورقم متواضع جدا، والكلام اللى بقوله كل الوزراء اللى قدامكوا بيسمعوه مني". أضاف الرئيس السيسي: " انتوا عايشين على دولة 7 % عبارة عن مستطيل من الأرض من أسوان لإسكندرية فيه 100 مليون و10 ملايين مركبة، بالعلم حجم الطرق لازم يحقق الحركة على هذا المستطيل بكفاءة وسهولة على مدار اليوم غير كده يبقا محققناش حاجة. وتابع الرئيس: "كان لا بد حجم البنية الأساسية وشبكة الطرق تخدم على حركة المجتمع وتحسينها مش فقط الاستثمار وسهولة تداول السلع.. لا.. لصالح الناس اللى كانت موجودة وبتتعذب أثناء حركتها في أى محافظة، وأتصور إن ده اتحسن بشكل كبير ومستمرين فيه". قال الرئيس: "إحنا بنعمل 21 ألف فصل ولكن محتاجين نعمل 60 ألف فصل مش لأن معندناش نعمل أكتر من 21 ألف".
