بعد 13 سنة.. صاحبة دور سوكا:«مكنتش أعرف إني بمثل وابتعدت بسبب التنمر»
أمنية سرور
ظهرت سارة عبد القادر، الشهيرة بـ “سوكا العبيطة” في فيلم “أبو علي” بعد 17 عام من عرض الفيلم ” خلال لقاء لها ببرنامج “القاهرة اليوم” وتحدثت خلال اللقاء عن أسباب ابتعادها عن التمثيل، موضحة أنها لم تكن تعلم أنها تمثل حينها.
ربما يعجبك
وصرحت أنها خريجة كلية السياحة والفنادق، وقررت الابتعاد عن التمثيل لتعرضها للتنمر بالمدرسة، لافتة إلى أنها كانت 8 سنوات، مردفة: “الموضوع كله كنت فكراه لعب معرفش أنه تمثيل، وندمت أما كبرت عشان مكملتش في التمثيل”.
وأكملت: “اللي جبلي الدور إني كنت بضرب ولد في الشارع.. وكريم عبد العزيز هو اللي اختارني.. أول ما الفيلم طلع المدرسة كلها كانت بتجري ورايا لغاية البيت كانوا بيضايقوني”.
وكشفت خلال الحلقة على العديد من الأسرار في حياتها الشخصية، وكواليس فيلم أبو علي الذي يعد أحد أهم محطاتها الفنية.
وقالت: "اخترت طريق تاني، كنت صغيرة وفاكرة إني بلعب مش عارفة إني بمثل، والناس جروا ورايا في الشارع، قلت خلاص اختار طريق تاني".
وأضافت صاحبة شخصية "سوكا " : "أول ما الفيلم اتعرض، المدرسة كلها جرت ورايا وقعدوا ينادوا لي، مكنتش مبسوطة عشان صغيرة وحسيت بالخوف، لكن لما كبرت فهمت الموضوع وندمت إني مكملتش".
وتابعت: "وأنا صغيرة كنت فاكرة الموضوع لعب، بابا قال لي روحي إلعبي معاهم، مكنتش أعرف إني بمثل، ولما شفت الناس بعد عرض الفيلم اتصدمت".
سبب مشاركتها في الفيلم
وقالت سارة عبد القادر سبب مشاركتها في فيلم "أبو علي": "كنت بضرب ولد في الشارع والريجيسير شافني وراح كلم بابا، وهو قال لي إلعبي معاهم، عشان كده لما رحت عملت المشهد بتلقائية، لو عارفة إني بمثل مكنتش هتكلم كده".
وجدير بالذكر أن فيلم “أبو علي” كان بطولة الفنان كريم عبد العزيز، الفنانة منى زكي، وطلعت زكريا، وخالد الصاوي، وإنتصار، من إنتاج عام 2005، وإخراج أحمد نادر جلال، وتأليف بلال فضل.
