نور النبوي لمني الشاذلي: "اشتغلت في المسرح ببلاش كان نفسي أمثل"

حل الفنان نور خالد النبوي ضيفاً علي الأعلامية مني الشاذلي ببرنامج “معكم” وكشف عن مدي حبه للفن والسينما.

وأوضح بداية تقربه من الفن قائلا : "درست اقتصاد فى فرنسا.. وكنت كل شوية بعيد السنة للأمانة مكنتش بروح الجامعة أصلا.. وخالد هيزعل دلوقتى.. بس انا كنت بروح السينما والجامعة مكانش ليها وقت.. واشتغلت فى المسرح ببلاش عشان اتفرج على المسرح والأفلام".

وأضاف :"بحب السينما وكان نفسى أمثل، وفيه حب واهتمام من الأسرة".    وتابع :"كنت بغنى قبل مسلسل راجعين ياهوى.. وكان ديما صاحبي يقولى صوتك وحش أوعى تغنى.. ولما غنيت قعدت فى العربية وقفلتها وعليت الصوت وسمعته الأغنية عشان يعرف أنى بغنى".     وقالت الفنانة وفاء عامر خلال مداخلة بالبرنامج، :"عجبنى دور نور خالد النبوى فى مسلسل الاختيار، وموهبته فرضت دورها جدا، بخلاف أن والده خالد النبوى، ورشحته للمشاركة معنا فى مسلسل راجعين ياهوى، وأدى دوره باحترافيه كبيرة جدا.. وخالد النبوى بنى نفسه بنفسه فى التمثيل، وليس بمساعدة والدته، وكذلك ابنه نور".