عيب الكلام اللي بيتقال... حلا شيحة ترد على شائعات طلاقها من زوجها معز مسعود

علقت الفنانة حلا شيحة عن الأنباء المتدوالة بشأن انفصالها عن زوجها الداعية الإسلامي معز مسعود، مدافعة عنه ضد ما ينشر على مواقع التواصل الاجتماعي، مؤكده انه لايوجد أي خبر بخصوص طلاقها من زوجها صحيح.

وقالت حلا شيحة عبر حسابها الرسمي على إنستجرام ، :"لكل المتابعين والمحبين على صفحتى وفى الوطن العربى حابة اقولكم مفيش أى خبر اتكتب عن معز وعنى يخص الطلاق صحيح، وكلامى فى البوست اللى فات كان كلام عام ولم أقصد بيه حد معين أبداً.. ومعز بعيد عن الكلام ده تماماً بالعكس هو سبب كبير لحاجات جميلة فى حياتى وحياة أولادى ومشفتش كتير زى أخلاقه واحترامه وعيب الكلام اللى بيتقال عن صفحات السوشيال ميديا كله مش صح ابدا ً".

وتابعت حلا شيحة: "والله فى مشاكل اكبر بكتير وحاجات أهم بكتير ممكن نتكلم فيها.. وأنا على صفحتى بحب أشارك جمهورى ساعات بمعانى بحسها وبحسهم زيى وبحب أتواصل معاهم وأبقى موجودة معاهم مش أكتر من كدة… بالنسبة لحجابى أنا قلت بحاول زيى زى بنات كتييير وأكيد مش أحسن حاجة بس أنا كدة دلوقتى والحمد لله.. وأنا مش شيخة أنا إنسانة عادية جداً ليا حسناتى وليا سيئاتى والبشر كلهم كدة فبلاش حد يزايد على حد وبدل ما نتريق أو نقول كلام مش مهم نكون متصالحين مع نفسنا ونبطل نحكم على بعض إحنا بشر مش ملايكة".

إثارة الفنانة حلا شيحة الجدل 

وأثارت الفنانة حلا شيحة الجدل على مدار الأيام الماضية بعد حذفها لصور ابنتها من على موقع تبادل الصور انستجرام بعد أن ربط الجمهور بين هذه الصور وعودة حلا شيحة لتقديم الأعمال الفنية وخلع الحجاب.

واضطرت حلا شيحة لحذف الصور للتشابه الكبير بينها وبين ابنتها وهو ما أدى إلى انتشار خبر طلاقها من الداعية معز مسعود.

وكانت حلا شيحة  قد نشرت مجموعة من الصور الخاصة بها عبر ع على موقع تبادل الصور والفيديوهات «إنستجرام»، برفقة أطفالها، و كتبت حلا شيحة معلقة : « لحظات من حياتنا بتعدي مع ناس بنقابلهم مرة في العمر ولحظات مع أولادنا بنحس بيها بفرحة وحب وأمل، لحظات مع نفسنا بنتأمل فيها حياتنا، كل أيامنا لحظة، علشان كده مفيش حاجة تستاهل الزعل والتفكير الزيادة، أجمل حاجة إن الواحد لما يتعب أو يحس أنه تايه أو متلخبط لازم يبقى متأكد أن مشاعره بتقوله حاجات محتاج يعرفها أو يفهمها أو يفهم نفسه أكثر ويتعلم».

 وتابعت «مش عيب نقول غلطنا ومش عيب نصلح أخطاءنا بس أهم حاجة منكملش ونعاند نفسنا و نعاقب أنفسنا ونحكم على أنفسنا بالفشل، الفشل إننا نسيب نفسنا جوا نفس المشاكل ونستسلم».

وهو الأمر الذى أثار الجدل والتساؤل من جديد حول توتر العلاقة بين حلا شيحة ومعز مسعود مما أدى لانتشار شائعة انفصالهما