عايدة رياض ترد على منتقدي احتفالها بعيد الأضحى المبارك

خرجت الفنانه عايدة رياض عن صمتها، جراء الجدل الذي أثير على خلفية احتفالها بعيد الأضحى المبارك، وانتطمها بذبح الأضحية مع كونها مسيحية، مؤكدة أنه لا يوجد فرق بين مسلم ومسيحي في مصر. 

وقالت عايدة رياض عبر حسابها الرسمي على "فيسبوك": "انا مسيحية و بحتفل بعيد الأضحى انا مش شايفة ان الموضوع كان مستاهل كل الضجة دي اطلاقا.. كوني مسيحية و بشارك في الاضاحي و باكل فتة و بنعيش اجواء العيد مع بعض و دي حاجة مش بتقلل مني او حتى بتثير الجدل بالعكس ده شيئ محمود جدا".

الذبح موجود في كل الأديان 

وتابعت "الذبح عموما موجود في كل الاديان السماوية و موجود في ديانتنا و بنشترك كلنا و بنضحي و بنتجمع كالعادة و خلي الي يتكلم يتكلم   ... و انا متعودة  على كدا من زمان".

وأضافت رياض "  عمر ما حد كان بيسأل على ديانة حد ايه الدين لله و الوطن للجميع و كلنا ف الأخر مصريين اخوات و أهل و صحاب و احبة، و مفيش فرق بينا إطلاقا و لما حد كان بيتكلم كلمة مش كويسة عن الإسلام كنت بطلع ارد بنفسي لأننا واحد يا جماعة مفيش فرق بينا لأننا بنتشارك الوطن الي بيجمعنا على المحبة و  الود و طول عمرنا ايد واحدة و هنفضل ايد واحدة و الي يقول غير كدا دول ناس فاضية و انا مش عايزة ادخل في جدل مع حد من دول".

واختتمت عايدة رياض" يارب دايما متجمعين في الخير.. و دايما اخوات و أهل و صحاب و جيران و حبايب و دايما ايد واحدة و ربنا يخلينا لبعض و يبعد عننا اي فتنة تفرقنا عن بعض".