"دمرتوني وبكرهكوا".. الفنانة "دينا حسين" تقرر إنهاء حياتها
قررت المطربة دينا حسين، بإنهاء حياتها في "لايف" على حسابها بموقع فيسبوك. وظهرت "دينا" داخل سيارتها، وقالت: "آخر مرة هتشوفوا وشي، وآخر مرة هتسمعوا الكلام دا، أنا دلوقتي اتصلت بماما علشان أسمع صوتها لآخر مرة بس تليفونها مقفول".
وقالت: "كلكوا طبعا عارفني كويس، وعارفين إن عمري في حياتي ما ضعفت بالشكل ده، أنا اسمي دينا وعندي 29 سنة، خريجة سياحة وفنادق، مطربة، أنا متربية بين أم وأب انفصلوا من وأنا عندي 7 سنين".
واكملت: "نزلت اشتغلت من وأنا عندي 9 سنين كل حاجة، بياعة في محل ملابس، في سنترال، خضار وفاكهة، في مصانع، معصرة قصب، بنزينة".
وأكملت: "والدتي اتجوزت بابا اللي رباني أنا وأخويا، وحبني أوي، وأنا حبيته بس ما كنتش عارفة إني بحبه أوي إلا لما ربنا افتكره".
واضافت: "من بعد ماما ما انفصلت عن بابا وأنا تعبانة، ودايما بدور على حاجة نقصاني في وشوش الناس، في الصحاب، في الحبيب، في الأهل، في الشغل، دايما بدور على أب".
واكملت باكية: "دايما حاسة إن ضهري عريان من بعده، ومن بعده ما فيش حد عرفني إلا وكان عايز مصلحة، من حبيب، أهل، صلة دم، قريب، صحاب، عايزين ياخدوا فلوس وحب وحاجات كتيرة، بقالي فترة بعافر بس تعبت وروحت لدكتور نفسي، بقالي فترة بتعالج وباخد منوم ومهدآت وتعبانة بردو".
وأكملت: "أنا قررت إن أنا أنهي حياتي، قولوا بقى ضعف ولا خارجة عن دينها، فا أنتوا هتحضروا معايا اللحظة دي، بس أفتكروا أنا عمري ما أذيت حد، بس كلكوا أذيتوني، ودمرتوني، أنا بكرهكوا".
