محمد عادل عن قتل نيرة أشرف: كنت واخد قراري ومفيش حاجة هتغير تفكيري أبدا

قال محمد عادل المتهم بقتل الطالبة نيرة أشرف: " أنا كنت خايف ان يكون معاها حد من أصحابها أو أهليتها ولان هي كانت عارفه أني مش هسكت، فقلت لازم اطمنها لحد ما اتمكن من تنفيذ اللي أنا عايزه ولم أنفذه ايضا، لأن أنا متمكنتش منها في نفس اليوم ومشفتهاش ومجاش الوقت اني اقدر انفذ فيه مخططي ولا في اليوم الرابع للامتحانات أيضا، ولان انا كنت مستني اشوفها واحنا رايحين واركب معاها، ولكن انا لم اتمكن من الركوب معاها ولما خلصت الامتحان مشفتهاش وروحت".

وتابع المتهم في تحقيقات النيابة: "أنا كنت واخد قراري وهنفذه  ومفيش حاجة هتغير تفكيرى ده، و في يوم الواقعة انا صحيت خدت السلاح في جرابه وحطيته في جنبي اليمين ونزلت اتمشيت لحد ماوصلت المشحمة، واستنيت الاتوبيس بتاع شركة سرفيس علشان أوصل المنصورة واخلص عليها، ولما طلعت الاتوبيس لقيتها قاعده فيه وطول الطريق كنت بفكر اقوم اخلص عليها في الأتوبيس بس كنت خايف أن الناس تحوش عنها ومقدرش أخلص عليها".

وأوضح: "استنيت لما تنزل وطلعت أجري وراها وقبل ما اخش عليها طلعت السلاح من جنبي ونزلت فيها طعن بالسلاح وفي ناس جت تحوش هوشتهم بالسلاح وروحت نازل عليها تاني ودبحتها من رقبتها، وساعتها الناس مسكتني وسلموني للشرطة، وأنا كنت مستني الاتوبيس وكنت مستني اركب ومكنتش اعرف انها راكبه في نفس الاتوبيس، ومدة المواصلات من المحلة للمنصورة لم يتغير تفكيري نحوها، وانا كنت مصمم وماصدقت انى اوصل المنصورة علشان اخلص عليها ."

شرح المتهم طريقة ارتكابه جريمته قائلا:"أنا لحقتها من وراها وهي حاولت تلحق نفسها ووقعت وانا نزلت طعن فيها بالسكينة، وانا مصدقت اني شفتها وقعدت اسدد السكينة في جسمها ومعرفش سددت كام طعنه، وهى مقاومتش وهي ملحقتش لأن أنا عارف أنا بضرب فين، وعارف أنا هخلص عليها ازاي ، وفي ناس جم يحوشوا عنها وانا هوشتهم بالسلاح وقلتلهم محدش يقرب ليه ونزلت بالسكينة ودبحتها وتيقنت من إنها فارقت الحياة لانها مقمتش من مكانها ولا اتحركت أي حركة" .