قاتل نيرة أشرف: كان في بالي أجيب حد يخلص عليها

قال محمد عادل، قاتل طالبة المنصورة نيرة أشرف: " أنا كان بيراودني موضوع إن أنا أخلص عليها من سنة ونص وكنت بصبر نفسي بأهلي وأخواتي وبقول بلاش ادمر مستقبلي، وكنت بحاول أبعد نفسي عن فكرة قتلها بس أنا مكنتش بعرف أشيلها من دماغي وكان الموضوع محل تنفيذ عندي، وأنا كان في بالي أن أنا أجيب حد واخليه يخلص عليها أو يعلم عليها مدى حياتها علشان تعرف أنا اقدر اعمل ايه، وانا كنت برجع في كلامي كل مره ويقول بلاش ادمر مستقبلي".

كان الكلام بيوصلني من الناس

وأضاف المتهم خلال التحقيقات التي جرت معه بالنيابة: "هي مكانتش بتعمل حاجه ليا مباشرة، ولكن كان الكلام بيوصلني من الناس وده اللي كان بيخليني ارجع أفكر أني أخلص منها ، وانا في نص شهر رمضان اللي فات لقيت ناس جاية تقولي ابعد عن البنت وملكش دعوة بيها، وكفاية اللي حصل علشان ميكونش فيه مشاكل، وأنا ما استجبتش لكلامهم، ولكن انا سايرتهم لحد ما اتمكن منها في الامتحانات واخلص عليها علشان أنا كنت متأكد انها هتنزل الامتحانات وساعتها هعرف اخلص عليها، واعمل اللي نفسي فيه، ولأن أنا كنت عارف انها طول فترة الدراسة بتكون في القاهرة أو شرم الشيخ وكانت بتيجي على الامتحانات .