الرئيس السيسي: بنام وبحلم إن دخلنا بقى تريليون دولار وليس ذلك على الله ببعيد

قال الرئيس عبدالفتاح السيسي، إنه يحلم بأن يكون دخل مصر تريليون دولار، متابعًا: “لازم نحلم ونجري على حلمنا.. أنا بنام وبحلم إن دخلنا بقى تريليون دولار و10 تريليون كمان وليس ذلك على الله ببعيد"

وأضاف الرئيس السيسي خلال افتتاح مشروعات لإنتاج الثروة الحيوانية والألبان بمدينة السادات :” إحنا لسه عضمنا مانشفش.. عضمنا ينشف لما تلاقوا دخل مصر تريليون دولار في السنة غير كده لسه بدري”.

  كما تابع:” لما يبقي دخلي تريليون دولار حاسبوني.. وتمكنا من تفادي أزمة كورونا والحرب الروسية”، مضيفًا:” الدنيا ماشية والخير موجود والحاجة موجودة بزيادة عشان دي مصر “.

وأضاف الرئيس عبدالفتاح السيسي في سياق آخر:” ولو اتعاملنا طبقًا لتكلفة البنزين العالمية كان هيحصل قفزة كبيرة في الأسعار، فطن البرميل بـ120 دولار، طب لو كان بـ150؟”.

وتابع:” هناك 17 مليون شقة بتدفع 50% من ثمن الكهرباء والطاقة، بنحاول نخلي فاتورة الأعباء على الناس مناسبة”.

وأشار قائلًا:” بره الطاقة بتزيد بيرفعوا أسعار كل حاجة فالناس تحس إن في تضخم كبير لكن إحنا معملناش ده، ولو ماكنش ربنا سبحانه وتعالى وفقنا في إجراءاتنا كان تمن المنتجات بقى أكبر من كده بكتير”.

ارتفاع أسعار اللحوم

  وفي سياق آخر، وجه الرئيس عبدالفتاح السيسي، رئيس الجمهورية، سؤالًا لوزير الزراعة السيد القصير بشأن ارتفاع أسعار اللحوم، إذ قال “لولا الإجراءات كنا بقينا فين؟”.

  وأوضح وزير الزراعة، أن الأمر يتعلق بارتفاع أسعار الأعلاف والذرة عالميًا، مضيفًا أنه لولا الإجراءات التي اتخذتها الدولة المصرية لارتفعت الأسعار أكثر، إذ أن ارتفاع أسعار اللحوم حاليًا لا يتناسب مع الأسعار العالمية.

وقال الرئيس السيسي:” ماكناش عارفين إن الأزمة الأوكرانية هتحصل لكن كنا في الإجراءات اللي أخدناها بنحاول إننا نحقق الاكتفاء الذاتي”.

وتابع:” إحنا دخلنا مجال صناعة اللحوم متأخرين شوية وهي مش زي ما الناس متخيلة إنه بيربي رأس ماشية وخلاص دي صناعة ليها تكلفة”.

كما أضاف:” لما أطلقنا مشروع المليون رأس ماشية أخدنا إجراءات كتير بس إحنا كنا بنتكلم في صناعة وإن شاء الله يجي على الدولة المصرية وقت ويبقى المنتج بتاعها طبقًا لأفضل معايير صناعة اللحوم في العالم”.

وتابع:” المشروعات دي مش مجرد استثمار دي عشان استقرار البلد وأنا والله العظيم بستهدف الرضا المجتمعي مش حفظ رئيس”.

وقال :”بلادنا توقفت 50 سنة ماتفكرش ولا تكبر كبرنا كحجم لكن قدراتنا ومواردنا مازدتش وده مش ذم في حد”.