الشاعر بهاء الدين يفتح النار على شيرين عبدالوهاب ردا على تصريحاتها

افتتح الشاعر بهاء الدين محمد، النار على المطربه شيرين عبدالوهاب، وذلك عقب تصريحاتها بأنها ندمت على أغنية "ما تجرحنيش" والتي كانت من تأليفه،والتي قدمتها ضمن ألبوم جرح تاني. 

وعبر حسابه على موقع التواصل الاجتماعي "فيسبوك"، قال بهاء الدين محمد: "مش متعود أرد على أي حد، ولكن لما حد يتجاوز حدوده لازم يقف مكانه ويعرف إنه مهما اتعود يغلط لازم ييجي عند بعض الأسماء ويحاسب ويخلي باله وخاصة لما حد في كل كارثة يدافع عنها!".

تعليق بهاء الدين على تصريحات شيرين عبدالوهاب 

وأضاف بهاء الدين محمد: "هتكلم باختصار جدا المشهد الأول.. أول يوم دخلت شيرين عبدالوهاب مكتبي كانت مع الأستاذ نصر حروس اللي هو صاحب الفضل في تقديمها وبعد دقائق من اللقاء لقينا شيرين بتبكي وسألها نصر بتعيطي ليه ردت علشان أنا قاعده مع الأستاذ بهاء".

وتابع: "المشهد الثاني رشحتها تغني كتير بنعشق ولولا موافقة نصر احتراما للعشرة اللي بنا ماكانتش حتغنيها لأنها كانت موقوفه من النقابة، أما المشهد الثالث لما فوجئت بمدير أعمالها الرجل اللي أنا بحبه وبحترمه لقيته بيكلمني نيابة عنها ويقولي سمعني الجديد وده طبعا خطأ لأن اللي بيغني مهما كان اسمه مش المفروض يغلط غلطة زي دي! لأن المشهد ده مش لايق على المشهد الأول".

واستكمل: "المشهد الرابع والأخير أغنية (ماتجرحنيش) أنا لحد الأن مش عاجبني غُنا شيرين مع احترامي الكامل لصوتها وأكيد لولا الأستاذ نصر ماكانش حيتم اللقاء، وماتجرحنيش من أهم أعمالي ومن حقي أدافع عنها نتاج تهور اللي غنيتها".

وكانت المغنية المصرية شيرين عبدالوهاب، قد أعلنت ندمها على أغنية "ما تجرحنيش" خلال ردها على أحد متابعيها عبر خاصية "ستوري" على تطبيق "أنستجرام".