معلولي ربنا يخليهولي.. أول تعليق من عمرو أديب على فوز الأهلي

علق الإعلامي عمرو أديب، على المباراة التى جمعت بين الأهلي وإنبي، على استاد برج العرب،  وفاز فيها النادي الأهلي على نظيرة إنبي بهدفين بمقابل هدف في الوقت المحتسب بدل الضائع، ضمن جولات بطولات الدوري الممتاز.

تعليق عمرو أديب على مباراة الأهلي وانبي 

 وقال عمرو أديب عبر برنامجه" الحكاية" المذاع عبر فضائية mbc مصر "الأهلي حظه نار وفي الدقيقة 94 بيخلص معلولي ربنا يخليهولي في الدقيقة 49 و96 جاب جولين بعد لما كان الأهلي مغلوب 90 دقيقة يا ناس يجي معلولي علشان يخلص الماتش للأهلي".

وأضاف :"نقول الأهلي بيكسب بعظمة لعيبته وروح الفانلة وحاجات تانية إنما مفيش فرقة بالحظ ده يا جماعة تكسب كده".

وتابع" مفيش حاجة تيجي كده واهدا يا حبيبي كده، الأهلي كسب بمدافع ومن القادمين من الخلف، حاول أن تفكر وتتدبر وتجاوب لماذا يجيد الأهلي الريمونتادا في الوقت الضائع أنا عايز خبير في الكرة يقولي ازاي معلولي أو أي لاعب في الأهلي بلس 90 ".

وأختتم كلامه "لو فيه الدقيقة 100 كان الأهلي جاب الجون التالت، مش عارف أقول إيه إنما أقول مبروك للنادي الأهلي".