تسريب جديد لـ محمد بديع في الحلقة 24 من "الاختيار 3" عن مرسي

ظهر تسريب جديد، لمرشد الإخوان محمد بديع في نهاية الحلقة 24 من مسلسل الاختيار 3.

وقال المرشد في الفيديو: "لما أقول إن ربنا سبحانه وتعالى كرمنا كإخوان بأيه، مش هقول شهادتنا إحنا لأن شهادتنا إحنا ممكن تكون مجروحة عشان إحنا بنحبه، رئيس الوزراء الإيطالي، السفير الإيطالي هو اللي قال الكلام ده، جيه زارني ويومها كان طالب أنه يقابلني ف والله، كنت مسافر كان عندي امتحانات في الجامعة منتدب للدراسات العليا، قالي أنا هخلي رئيس الوزراء يقولك الكلام ده بنفسه، قولتله كلام إيه؟ قالي إحنا روحنا زرنا الدكتور محمد مرسي".

وتابع “بديع” أنه كان يتصور أن الدكتور محمد مرسي أستاذ في الهندسة.. رئيس الوزراء بتاعنا رجل اقتصاد، دردش مع الدكتور محمد في الاقتصاد، فبيقول لي أهنئكم أن عندكم واحد زي الدكتور محمد مرسي، الكلام ده قبل الترشيح، لأن رئيس الوزراء اللي بيحب الاقتصاد ومتخصص فيه أعجب جدا بأفكار د. محمد الاقتصادية".

وقال مرشد الإخوان أيضا: ده بقي كلام خارج القيم والأخلاقيات لأنهم لم يختبروه فيها، القيم والأخلاقيات دي اللي هي عمود الإنسان اللي ببركته ربنا بيوفقه ده بينه وبين ربنا، كون إن ربنا سبحانه وتعالى يختار لمصر رئيسا بهذا الشكل ولا أزكيه على الله، ربنا رايد للبلد دي خير.