لا لإهانة الممرضة في الدراما المصرية.. غضب الممرضات من مسلسل الكبير أوي

أثارة الجدل حول مشهد ارتداء مربوحة بمسلسل “الكبير اوي” ملابس تمريض في ليلة الدخلة، وغضب عدد من الممرضات وإزعاجهن. 

حيث كتبت ممرضة على جروب خاص بالتمريض: "البسلك ف ليله الدخلة طقم الممرضة المثير ! مسلسلات رمضان السنادي تبدع في إهانة الممرضة، أحمد مكي في الحلقة للأسف في المسلسل .. بيقول لمراته عايزك تلبسيلي لبس الممرضه المثير .. ال skirt و الشبكه و ال high heels  دا مبقاش طقم ممرضه يا مكي ، دا بقى اهانة علني ..والسف اللي عمال يحصل من ساعتها، الممرضه ولبس الممرضة بقي رمز الاثارة في ليلة الدخلة في نظر الدراما#لا_لإهانة_الممرضة_في_الدراما_المصرية".

وجاءت التعليقات بين مؤيدين ومعارضين، حيث كتب أحدهم: “مفيش إهانة ولا حاجة يا جماعة انتوا كده اللي بتلفتوا نظر الناس أن التمريض حاجة وحشة خدوا الضحك علي أنه ضحك وبلاش تكبروا اللي ملوش لازمة واللي يسيئ لينا”.

وكتبت أخري "أنا مش شايفة إن قصده اهانه مش كل حاجه ناخذها ع انها اهانه احنا محترمين وعارفين كده وكل يوم بشغلنا بنعرف الناس احنا مين ومهنتنا محترمه".

وكتبت أخرى: "حسبي الله ونعم الوكيل مابيشوفناش واحنا طفحين الدم عشان ننقذ حياه اى بنى ادم محتاج مساعده وبنسيب بتنا وولادنا إن شاء الله لما حد يتعب فيهم يشوفوا الممرضة دى هى اللى هتنقذهم وياريت حد يجيب حقنا بدل البهدلة دى".

 

 

يذكر أن أشاد الجمهور بالفنانة رحمة أحمد، التي تؤدي دور “مربوحة” بـ مسلسل “الكبير أوي الجزء السادس”، بعد انتهاء أحداث الحلقة الخامسة من المسلسل.

وجاءت تعليقات الجمهور كالتالي: "ايه ده ؟ ايه العسل دة يابنتي ؟ مش طبيعية، #رحمة_أحمد اكتشاف عظيم جديد لأحمد مكي اللي كان سبب بعد ربنا في نجاح بيومي فؤاد واحمد فتحي ومحمد سلام وهشام إسماعيل ومحمد عبدالرحمن وشيماء سيف".