الأولاد بخير.. وزيرة الهجرة: لا صحة مطلقًا لاحتجاز مدنيين مصريين كرهائن في أوكرانيا

نفت السفيرة نبيلة مكرم وزيرة الدولة للهجرة وشئون المصريين في الخارج، صحة ما يتردد عن احتجاز طلبة مصريين في أوكرانيا.

ودونت عبر صفحتها على موقع التواصل الاجتماعي، للرد على الشائعات التي يتم تداولها بشأن الطلبة المصريين فى أوكرانيا.  

إشاعة تهز القلوب

وقالت وزيرة الهجرة فى تدوينتها : بيقولك فيه مدنيين محتجزين "رهينه" بينهم مصريين.. إشاعه تانية تهز قلوب أهاليهم فى مصر، وتقلق اولادنا الطلبه اللى فى مدن شرق ووسط أوكرانيا زى "سومى "و" خرسون" .

الوزيرة: نظمنا لقاء زووم معاهم واطمنا عليهم

وتابعت: “نظمنا على الفور لقاء زووم معاهم واطمنا عليهم اه الدنيا صعبة بس الأولاد بخير، وبيثبتوا انهم رجاله يوم عن يوم وعندهم صبر واحتمال للظروف القاسيه، إيمانهم بربنا قوى، وثقتهم فى قيادتهم السياسية اللى بتتابع اول باول خطه تحركهم لحين عودتهم بالسلامة لحضن بلدهم”.   واختتمت : ربنا إن شاء الله هيكرم بعثاتنا الدبلوماسية، ورجاله الجالية الجدعان فى أوكرانيا على رأسهم على فاروق، وخالد محمد، والمتطوعين اللى معاهم.