الرئيس السيسي: القارة الأفريقية تحتاج مزيدا من الوقت لتحقيق الأهداف بمجال الطاقة
أكد الرئيس عبد الفتاح السيسى، أن القارة الأفريقية تحتاج مزيدا من الوقت لتحقيق الأهداف المرجوة فى مجال الطاقة، متابعا: "أفريقيا تحتاج إلى فترة انتقالية أكبر للقارة الأفريقية لأسباب أخلاقية وإنسانية واقتصادية.. حد يقولى أسباب اقتصادية.. حد يقولى أنت تقولى دعم أفريقيا.. ده سوق أفريقى خلال مليار ونصف.. من أكبر القارات اللى فيها نسبة سكان بعد أسيا.. يتحول على سوق غنى يقدر يشترى منتجات العالم الصناعي".
افتتاح معرض ومؤتمر مصر الدولي
وأضاف الرئيس السيسى، خلال كلمته فى افتتاح معرض ومؤتمر مصر الدولي: "قدرات أفريقيا متواضعة كدول.. هو البترول والغاز يساوى ايه.. المال.. انت بتحرمنى من المال.. بعد ما خدت الكلام ده على مدار 50-60-70 سنة اللى فاتوا.. وانت بقت غنى وانا زى ما أنا.. الدول الأفريقية زى ما هي.. زى ما أنا فقير.. لما بقى عندى فرصة تقولى مش تطلع.. طب لا.. عاوزين تقولوا أن الأمر ده كده.. الغنى يطلع يدى الفقير".
وتابع الرئيس السيسي: "قولت الكلام ده فى مصر.. لما جت الجائحة العالم تصور انها نهاية الدنيا.. احنا عارفين أنها مش نهاية الدنيا ومش هتنهى بالطريقة دي.. قدرات الإنسان العلمية.. هذا العقل الجبار اللى ربنا وهبه للإنسان دون المخلوقات لها قادر على التغلب.. ومصر من الدول القليلة فى العالم اللى حققت نمو إيجابى فى الظروف دى.. لم نتوقف.. خدنا إجراءات احترازية وفق معايير منظمة الصحة العالمية.. ولم نتوقف لحظة عن العمل.. قبل الجائحة زى بعد الجائحة بالنسبة لنا.. وانا بقولكم البشر قادر على تجاوز تغير المناخ.. وبقول للشباب الصغير والأجيال القامة.. لا تنزعجوا من هذه التحديات.. الإنسان هيفضل يطور ويكبر ويخلى الكرة الأرضية معجزة كبيرة جدا".
وقال الرئيس السيسي: الشركات اللى موجودة معانا تكون صوتنا من دلوقتي.. حتى شهر نوفمبر المقبل وانعقاد قمة المناخ فى مصر.. ومراعاة أن القارة الأفريقية محتاجة تعمل بنية أساسية من ثرواتنا.. فترة انتقالية أكبر.. للانتقال من الحالة الموجود دى.. للحالة اللى يخص القارة بشكل أكبر.. بشكركم وسعيد باللقاء".
وقال الرئيس عبد الفتاح السيسى، أن الدولة المصرية نفذت برنامجا للإصلاح الاقتصادى، متابعا: "نفذنا مشروع حقيقى للاقتصاد المصري.. وفى أى وقت من الأوقات كنا بنعمل اصلاح اقتصادى المواطن مكنشى عنده استعداد يتجاوب معانا.. لكن لما وجد النتائج والاثار الخاصة بالنية التحتية تحمل اثار اقتصادية صعبة.. شاف الواقع نتائجه ايه". قال الرئيس عبد الفتاح السيسى، إن مؤتمر المناخ القادم فى مصر يحتاج إلى صدور قرارات موضوعية ومتوازنة وعادلة، متابعا: "حتى لا يدفع شعوب القارة الأفريقية الثمن مرتين للظروف اللى مروا فيها. وانا بتكلم عن تجربة مصرية خالصة.. خلال 7 سنوات علشان نوصل حالة الرضا للمواطن فى مصر.. صرفنا 400 مليار دولار.
وشهدت فعاليات معرض ومؤتمر مصر الدولى للبترول إيجبس 2022 فى دورته الخامسة، بحضور الرئيس عبد الفتاح السيسى، عرض فيلم تسجيلى حول إنجازات قطاع البترول فى مصر، وأهمية معرض مصر الدولى.
ويشهد المعرض مشاركة دولية ومحلية واسعة من وزراء البترول والطاقة ورؤساء الشركات العالمية والمحلية والمنظمات الدولية للبترول والغاز وخبراء الصناعة البترولية، حيث يعد المعرض أكبر وأهم تجمع دولى وإقليمى لصناعة البترول والغاز فى منطقتى شمال أفريقيا والبحر المتوسط..
