أصالة: زوجي الي خلاني أقص شعري

حلت الفنانة أصالة نصرى والفنان أحمد سعد، ضيفين في برنامج "معكم" للإعلامية منى الشاذلى، المذاع على قناة Cbc، وتحدث أحمد سعد خلال الحلقة عن القرارات التي تخلى عنها في العام الماضى، قائلا: "قررت انى هاسمع كلام الناس اللى حواليا وزوجتى، لان مكنتش بسمع كلام لنفسى حتى، والقرار اللى بيجى في راسى بعمله علطول".

تفاصيل زواج أصالة من فائق حسن

وروت أصالة نصرى عن تفاصيل زواجها من فائق حسن، قائلة: "احنا أصدقاء من اكتر من 15 سنة، ولكن كان بحدود الفن، ونتكلم في تفاصيل الشغل بس، ومكناش مقربين حتى، والتحويل اللى حصل ده كان في يوم واحد ومش عارفة مين سبق التانى بالشعور وبفكرة الزواج، ولكن احنا شبه بعض  وهو قمر وأكتر من وسيم".

 

وتابعت أصالة: " مفكرناش بأى حسابات وقلنا احنا الاتنين الدنيا هتتظبط علينا واننا اخدنا القرار بدون أى تفاصيل ولا حتى عارفين هنسكن فين بالسعودية ولا مصر وقلنا بعد كده الدنيا تتظبط، وأول شخص قلتله بالزواج هي ابنتى شام وهى العالم والحياة بالنسبة لى".

وأضافت اصالة: "أنا عيشت فترة في حياتى متعبة ولما بقيت كويسة حسيت انى عاوزة اتزوج هذا البنى ادم، وأنا عاطفية جدا وهو كمان عاطفى أكتر منى ولما صدقت لقيته واتفقنا على الزواج  وتزوجنا تانى يوم، وهو اللى طلب منى أقص شعرى وهو بالنسبة لى طلباته أوامر قصيته بنفس اليوم مش بكرة".  

تحدثت أصالة خلال الحلقة عما تعلمته من العام الماضى، قائلة: "اقتنعت مؤخرا بعد ما عيشت مع نفسى كل أنواع المواقف، وتوحدت مع نفسى وعيشت مع حالى كأنى شخصين، لأن تفاصيل اللى حصلى كان أكبر من قدرتى انى اتحمله وأعيشه لوحدى، فعيشت مرحلة طويلة كأنى شخصين وأن واحدة تطبطب على الثانية".

وتابعت أصالة: "كنت بقضى وقت طويل لوحدى بعيد عن أولادى وأهلى، ولما بقيت شخصين ارتحت، ومبقاش في حاجة تخوفنى، وانا طبعا بحترم كل الناس ولكن مبقاش في شخص بيرعبنى، لأن في السابق كنت بقسى على نفسى وحالى إنسانيا واجتماعيا، وحاليا بقيت صديق لنفسى، لأن زمان كانت نفسى هي في اخر القائمة، ومبقتش بهتم غير بتفاصيل شغلى بس".

وعن خلعها للجزمة في حفلاتها قالت: "بكون عاوزة ابقى على راحتى لما بقلع الجزمة بغنى أفضل، لأن انا لما بغنى بحس أن كل أعضاء جسمى بتتحرك وبحس انى بقف على اطراف اصابعى وكأنى برقص باليه، لأن اغلب الأحذية مش بتكون مريحة وانا صوتى أهم شيء ولما بغنى حافية بيكون احلى مليون مرة لما أكون لبساها، ومش عاوزة صوتى يتأثر بشئ وكويس ان فستانى كمان مش بيضايقنى وبيكون مريح، ولو عليا نفسى البس جلابية اللى متخيطة على اليد واحط سبحتين برقبتى واطلع أغنى على المسرح".