السيسي في حديث من القلب من "توشكى": بنكسر التحديات ومفيش جبل يوقفنا
فريق الصفقة
فتح الرئيس عبدالفتاح السيسي قلبه للمصريين وتحدث عن تفاصيل أضخم مشروع زراعي في أفيقيا والشرق الأوسط توشكى الخير.
وتحدث الرئيس عبد الفتاح السيسي، عن جهود الدولة في دعم الصناعة، قائلا: "لو عاوزين تعملوا الصناعات المطلوبة للمشروعات التي تنفذها الدولة لوحدكم هنشجعكم.. ونتحمل المخاطرة مع بعضنا.. الموضوع همم الدولة بأجهزتها المختلفة بإرادة حقيقية للحل".
وأضاف الرئيس السيسي، خلال كلمته في افتتاح مشروعات تنموية جديدة في توشكى: "الدكتور مصطفى مدبولى رئيس الوزراء بيسمع منى الكلام كتير.. فيه فرق كبير في الفكر والتخطيط النظرى والممارسة العملية.. إزاى تجاوز التحديات.. وإحنا بنعمل طريق الجلالة كان فيه 4.5 كليو حاجز جبلى.. لو وقفنا الحاجز الجبلى هقوله مش هنعمله.. وفى عاتقة بنعمل طريق زيه وإحنا بنكسر التحديات ونتجاوزها ولو فيه حاجز جبلى 90 كليو هنعدى".
الفلوس بتتجمع من الوزارات
حرص الرئيس عبد الفتاح السيسي، على توجيه الشكر إلى القائمين على مشروع توشكى، قائلا: "كل الشكر للقائمين على هذا العمل.. سواء الشركة الوطنية أو الهيئة الهندسية.. أو الشركات المدنية.. أكثر من 80-90 شركة مدنية "قطاع خاص" شغالين معانا في كافة مراحل المشروع ومحطات المعالجة أو الطرق وغيره.
وأضاف الرئيس السيسي، خلال كلمته في افتتاح مشروعات جديدة: "خلال أكتوبر من العام القادم.. نقدر نخلص تحويل هذا المشروع إلى أراضى تنتج خير لمصر"، متابعا: "محدش أتكلم عن الصناعة.. فيه مصانع تصنيع زراعى.. وثلاجات بـ 60 ألف طن.. ومصانع للتعامل مع المنتجات.. كلمتى النهائية.. احنا نقدر نعمل حاجة إن شاء الله.. اللى بنعمله مش بعيد عن الوزارة.. مجلس الوزراء وكل الوزارات المعنية معانا.. كل وزير يقوم بدروه.. والفلوس بتتجمع من الوزارات".
"تبطين الترع أمر استثنائى للحفاظ على المياه"
كما تحدث الرئيس عبد الفتاح السيسي، عن دور وزارة الري في تنفيذ المشروعات الزراعية الجديدة، قائلا: "الوزارة مسئولة عن تبطين الترع.. وهى بتشتغل وتوصل المياه لمناطق تصل إليها بشكل ضعيف.. نوفر المياه التي يتم فقدها.. وده الوضع الطبيعى بالمناسبة".
وأضاف الرئيس السيسي، خلال كلمته في افتتاح مشروعات تنموية جديدة في توشكى: "تطبيق الترع وضع استثنائى لتوفير المياه.. الكل يشق الترع واللى اتاخد يتاخد.. واللى يمشى يمشى.. بنحط فلوس كتير.. ده شغل دولة كل واحد بيقوم بدوره.. الحكومة بتوفر التخصصات والدراسات والمواد.. واحنا بننظم العمل ده كقوات مسلحة.. الموضوع عمل مشترك بينا كلنا علشان نحقق المستهدف في الزراعة وكده ده".
ووجه الرئيس السيسى رسالة القطاع الخاص، قائلا: "احنا بنعمل وهنسلم الأرض جاهزة للزراعة.. عاوزين تيجوا تعملوا استثمارات.. مش تتكلف جهد غير التعاقد على الفدان أو الإيجار وتشتغل والقمح جزء أساسى في الزراعة هنا باعتباره أمر استراتيجي".
