شيكابالا:سمعت أحد المنظمين وأنا في غرفتي بيقول علي زوجتي..مين سمح لشيكابالا يدخل“نسوان”الفندق
صرح كابتن فريق نادي الزمالك النجم محمود عبد الرازق “شيكابالا” خلال برنامج “الحكاية” مع الاعلامي الكبير عمرو أديب اليوم السبت علي الهواء مباشرة، أن هناك أهالي جاءت من الشرقية و لاول مرة كانوا يدخلوا أستاذ و للاسف أمن الإستاد منعهم من الدخول بتعليمات غير مبرره، و لاعب آخر خرج بلبس النادي علشان يدخل زوجتة من علي البوابة ورفضوا يدخلوها!!
وأشار شيكابالا ومن ضمن المواقف المستفزة قال شيكابالا كنت في الفندق .. ومعايا زوجتي وابنتي وسمعت أحد المنظمين بيقول من خارج الغرفة مين سمح لشيكابالا يدخل “نسوان” الفندق خرجت وقلت له انت بتقول ايه و الأمن رد قال له دي زوجتة وإبنته، قرفت من الموقف وأخدت زوجتي وغادرنا الفندق
برنامج الحكاية
وقال ومحمد عبد الباسط فتحنا الحديد علشان ندخل ابنته تفرح مع أبوه، وأشار شيكابالا أنه في كل دول العالم و دوري الدول، أهالي اللاعيبه بتدخل تحتفل مع اللاعيبة
وأضاف شيكابالا أنه للأسف كان من مظاهر الاحتفال المنظم من جانب نادي الزمالك، ارتداء، “تيشرت” الشركة الراعية، و التيشرتات كانت في غرفة اللبس و للأسف الأمن رفض يفتح لنا الباب علشان يلبسوا لبس الاحتفال،و قال لنا دي تعليمات .
و تابع شيكابالا بدأت أدافع عن حقوق اللاعيبه و خاصة الشباب منهم، و فجأة وجدت رئيس الاتحاد جاء و أنا بدافع عن حقوق زملائي.
و قال شيكابالا أن الفريق كان سعادتة لا حدود لها وكنا محضرين مفاجأة ان كابتن ايمن اللي يشيل الدرع و كل شئ تم افساده وكأنه متعمد ..
