شيكابالا: وقف البث وقت تسليم الدرع كأنهم مش عايزين جمهور نادي الزمالك يفرح
ايمان عريف
قال كابتن فريق نادي الزمالك النجم محمود عبد الرازق “شيكابالا” أنه وقت تسليم الدرع منعوا أهالي اللاعيبة يدخلوا النادي و يفرحوا مع أولادهم
برنامج الحكاية
و أضاف خلال برنامج “الحكاية” مع الاعلامي الكبير عمرو أديب اليوم السبت علي الهواء مباشرة، أن هناك أهالي جاءت من الشرقية و لاول مرة كانوا يدخلوا أستاذ و للاسف أمن الإستاد منعهم من الدخول بتعليمات غير مبرره، و لاعب آخر خرج بلبس النادي علشان يدخل زوجتة من علي البوابة ورفضوا يدخلوها!!
و محمد عبد الباسط فتحنا الحديد علشان ندخل ابنته تفرح مع أبوه، وأشار شيكابالا أنه في كل دول العالم و دوري الدول، أهالي اللاعيبه بتدخل تحتفل مع اللاعيبة
قفلوا علينا غرفة اللبس
و أشار شيكابالا أنه للأسف كان من مظاهر الاحتفال المنظم من جانب نادي الزمالك، ارتداء، “تيشرت” الشركة الراعية، و التيشرتات كانت في غرفة اللبس و للأسف الأمن رفض يفتح لنا الباب علشان يلبسوا لبس الاحتفال،و قال لنا دي تعليمات .
و تابع شيكابالا بدأت أدافع عن حقوق اللاعيبه و خاصة الشباب منهم، و فجأة وجدت رئيس الاتحاد جاء و أنا بدافع عن حقوق زملائي.
و قال شيكابالا أن الفريق كان سعادتة لا حدود لها وكنا محضرين مفاجأة ان كابتن ايمن اللي يشيل الدرع و كل شئ تم افساده وكأنه متعمد ..
رئيس الاتحاد أكد أنه مافيش تجاوز مني
و أشار شيكابالا أن رئيس الاتحاد بنفسة خرج في برنامج تليفزيوني، وأكد أنه لم يصدر مني أي تجاوز و برأني و قال ان مكنش في تجاوز مني ولا غلط ولا تصرف واحد لا يليق بالبطولة.
السؤال أنا ليه تم ايقافي لغاية دلوقتي مش فاهم !!؟
وقال أن وقت تسليم الدرع اتفاجأنا بدخول ناس غريبة مش معانا و محدش يعرفهم في الملعب حول اللاعيبة، ووسط الاحتفال، اجواء غريبة لم نتعود عليها من قبل.
و أشار أننا كان كل هدفنا فرحة اللاعيبة الصغيرة، وأنها تفرح وتحمل الدرع وهيا اللي تتصور ، وده حاجة كبيرة جدا عندهم، وسط بلادهم وأهلهم و أصدقائهم.
كلمة رئيس الاتحاد
و لفت شيكابالا أن كل ما قيل لرئيس الاتحاد حرفيا، “إنت مش عايز تدخل اهالي اللاعيبة علشان انت اهلاوي”
رد علي وقال لا خالص دي الشركة المنظمة هيا اللي رافضه دخول أهالي اللاعيبة.
لم أحضر استلام الدرع
وبكلام مؤثر و بصوت حزين، قال شيكابالا وقت تسليم الدرع مكنتش موجود و كنت في غرفة اللبس.
تعمد وقف البث المباشر أثناء تسليم الدرع
البث وقف في لحظة تسليم الدرع و كأنهم مش عايزين جمهور نادي الزمالك يفرح و الجمهور كان نفسه يفرح و التنظيم كان سئ و مش فاهم ليه ده كان مع نادي الزمالك فقط.
و أكد ان النادي الزمالك والجمهور مظلومين علي مر التاريخ، والغريبة أن جمهور الأهلي بيقول أن هما اللي مظلومين
مش هيدونا الفرصة نحصل علي الدوري الموسم القادم ..
و أكد كابتن فريق نادي الزمالك، مش هيدونا الفرصة نحصل علي الدوري الموسم القادم، لكن أحنا عندنا اصرار وان شاء الله هناخد الدوري الموسم الجديد.
غرامة 500 ألف جنيه و إيقاف 8 شهور
و أوضح شيكابالا أن ثاني يوم الجهاز الفني لنادي الزمالك جاب لي الدرع علي البيت وفرحنا كلنا، وعرفت بإيقافي 8 أشهر وتغريمي نصف مليون جنيه تعويض وأنا وقتها كنت في أسوان، و لو أنا قتلت احد اللاعيبة مش هاخد العقوبة.. وأكد شيكابالا لن اقبل بهذه العقوبة وهاخد حقي بالقانون عن طريق “الفيفا” ..
سمعت أحد المنظمين و أنا في غرفتي بالفندق بيقول علي زوجتي .. مين سمح لشيكابالا يدخل “نسوان” الفندق
ومن ضمن المواقف المستفزة قال شيكابالا كنت في الفندق .. ومعايا زوجتي وابنتي وسمعت أحد المنظمين بيقول من خارج الغرفة مين سمح لشيكابالا يدخل “نسوان” الفندق خرجت وقلت له انت بتقول ايه و الأمن رد قال له دي زوجتة وإبنته، قرفت من الموقف وأخدت زوجتي وغادرنا الفندق
