بعد خناقة رضا البحراوي وحسن شاكوش ريهام سعيد تساند البحراوي

نشر هاني عزب عبر حسابه على موقع التواصل الاجتماعي (فيس بوك) مقطع فيديو للمشكلة التي حدثت بين حسن شاكوش ورضا البحراوي وفرقة الأخير الموسيقية والتي وصفها بـ"الخناقة وحرب الشوارع"  

وكتب في تعليقه على المقطع كاشفا تفاصيل ما حدث: "إنفراد كواليس خناقة وحرب الشوارع بين حسن شاكوش ورضا البحراوي، البداية كانت مع شاكوش اللي لما طلع على المسرح كانت فرقة رضا موجودة على المسرح، وشاكوش قرر إنه مش هيكمل فقرته إلا لما فرقة البحراوي تنزل من على المسرح لإن كده كده بيغني "بلاي باك" وبالفعل طلبه اتنفذ وسط استياء من أعضاء الفرقة". وتابع" قبل ما حسن شاكوش ينزل ويخلص فقرته قررت فرقة رضا البحراوي تطلع على المسرح مرة تانية وده خلى فيه غضب كبير عند شاكوش اللي وهو نازل من على المسرح وجه ليهم إشارات خارجة وبذيئة ومن هنا كان الرد بينه وبين فرقة رضا البحراوي وتبادلوا توجيه السباب، وحاول هنا (الفنان) حمو بيكا التدخل في الموضوع وإنهاء الأمر قبل أن تحدث كارثة حقيقة وخناقة شوارع في الساحل الشمالي".

وأضاف هاني عزب "وصل رضا البحراوي الحفلة وعرف اللي حصل وأول حاجة عملها وجه التحية لفرقته الموسيقية وبدأ يغني وبعدها وقف الغنا وفضل ينادي على شاكوش وقال : شاكوش فين .. مشي .. كنت عايزه والله بس للأسف خد بعضه وجري، عايزه يدعي لحمو بيكا".

وقال رضا البحراوي في بث مباشر عبر صفحته الرسمية بموقع Facebook: "حسن شاكوش طالع يتكلم دلوقتي يقول أنا عندي كام مليار واليوتيوب وأنت ملكش أغاني، طيب أنا من سنة 2000 يا حسن، وكنت عامل شريط صغير مع عماد محرم، وقايل أغاني أنت متعرفش تقولها، 2005 عملت أغنية مع عبد السلام اللي كسرت العالم، وشرف لي أن الفنان حكيم غناها".

وتابع: وعملت أغاني مسلسلات وتترات ودراما، حاجات ماتعرفش أنت تعملها، وعملتها لوحدي، أنت بتقول أنك نجم منرفز نفسك ليه أوي كده، شاغل دماغك بيا ليه، (بنت الجيران) مش نجاحك لوحدك لأن معاك عمر كمال، و(فودكا) كان معك حمو بيكا، مجبتش سيرتهم مع أنهم من أن أسباب النجاح، عشان أنت مش سالك وأنا مش شاغل بالي بيك أصلا، أنا قاعد مع الحمام في غيتي، أنت نجاحك بحد تاني مش لوحدك وبرغم ذلك مذكرتش حد فيهم.

وأضاف: بغني لناس متعرفش تغني لهم، أنا بطلع أغني حي، مبحطش فلاشة وأحرك شفايفي بس، وأنا معايا 40 واحد في الفرقة، أنت عملت 3 أغاني يوتيوب يعني لو قعدت في بيتك مع الـ3 أغاني دول هتصرف عادي، ولكن متعرفش تغني تتر بداية أو نهاية مسلسل أو تغني دراما، بشوفك بس بفلاشة.

واليوم نشرت ريهام سعيد صوره رضا البحراوي وكتبت عليها الفنان الي بجد رضا البحراوي ترند مصر