عاجل: وفاة البلوجر الشهيرة أشكيناز هانم السبكي بعد إصابتها بسرطان القولون

توفت منذ قليل البلوجر الجميلة والشهيرة علي السوشيال ميديا، أشكيناز هانم السبكي، وذلك بعد اصابتها بسرطان القولون في مرحلة متأخرة، وخضوعها للعلاج منذ فترة، وقد تحدد ميعاد قيامها بعملية جراحية.

ونشرت أشكيناز السبكي بوست علي صفحتها الشخصية على Facebook قبل دخولها العملية الجراحية وكتبت: "صباحكوا خير و سعاده و جبران خاطر و رزق كتييير و كبيير  يااارب العالمين، أنا بكتب البوست ده تحت تهديد السلاح، جوزي اجبرني والله..  مش عارفه اجيبهالكوا ازاي، بس أنا بتحضر دلوقتي عشان أعمل العملية اللي بهرب منها بقالي كتير..  عملولي مسحة كورونا و خرموا جيوبي الانفيه بس عادي.. عملولي تحاليل وقلت عادي.. انما يتقالي اجهزي يا مدام هنديكي ملّين.. وربنا يسهلك قدامنا فده تهزيق.. ومش عادي أنا لا سني ولا لياقتي يسمحوا ان ربنا يسهلي قدام حد.. عيب مش كده أنا هانم.. وجربعة مش هتجربع”

الخُلاصة ..  انا هبقى بين ايدين ربنا كمان شويه و يا عالم ربنا كاتبلي ايه بس هو الوحيد الي عارف اني جاهزه للقاؤه الكريم و حابه انه يشملني برحمته ، و زي ما بيتقال وما الدنيا بباقيه لحي و لا حي على الدنيا بباقي ..  انا ببري ذمتي من اي شيء وحش و بسألكم بالله ابراء ذمتكم ناحيتي ..  عشت معاكوا كتير على فيس بوك حبيتكوا قوي و حافظاكوا و عارفاكوا نااااافر نااااااافر  بتمنى لو حد زعلان مني يسامحني و بتمنى منكم الصدقه و الدعوه الطيبه زي قلوبكم ..  يشهد الله عالم النوايا اني بحبكم محبه خالصه لوجه الله لا غير و بتمنالكم دوام الصحه و السعاده و الخير ..  المهم انا هقوم دلوقتي عشان شكل الدوا اشتغل و هزروط الدنيا  استروا ماشفتوا مني من سوء و اتمنى تفتكروني بالخير  استودعتكم الله العلي العظيم"

واليوم توفت أشكي وتركت وراءها طفلين صغار وتسببت وفاتها في حالة حزن شديدة بين رواد السوشيال ميديا، ما بين محبيها وجمهورها، فقد عُرف عن “أشكي” أنها خفيفة الظل للغاية وتتحدث عن المواقف الحياتية التي تواجهها بشكل كوميدي ظريف.