"حلم هناء"رسالة من زوج لزوجتة في الثانوية العامة تثير السوشيال ميديا
دينا عبدالخالق
منذ بداية مارثون الثانوية العامة وتتوالي الحكايات والقصص التي تظهر علي مدار السنة سواء اثناء الامتحانات او قبل اعلان النتيجه او بعدها …
ولكن شئ مختلف حدث هذه المرة فمن المتعارف عليه بعد اعلان نتيجه الثانوية العامة تجد اهالي الطلاب فخورين بهم او اي يساند ابنته التي لم يحالفها الحظ او ام تساند ابنها لانه لم يحصل علي النتيجه المرجوه
ولكن هذة المرة نشر شخص يدعي محمد سليمان عمر رساله موجهه الي زوجتة طالبة الثانوية العامة
وكتب "زوجتى الحبيبه وأم عيالى الف مليار مبروك نجاحك فى الثانويه العامه القسم الادبى بنسبة 60.1٪ اقولها لكى الف مبروك لأنكى اكبر طالبه على مستوى الجمهوريه سنا مبروك رغم ان عندك ملحق فى الفرنساوى واللى كنا متأكدين منه وان شاء الله نسبة النجاح تزيد بعد اضافة درجات النجاح فى الفرنساوي الف مبروك لأنك كسبتى التحدى رغم معوقات كثيره فى ظل تطبيق نظام تعليمى جديد لم تتدربى عليه لم تستلمى تابلت كبقية زميلاتك ولاكتاب مدرسى ولا اخدتى درس خصوصى فى اى ماده مبروك لأنكى ورغم انك مسئوله عن ابنائك الخمسه وكلهم فى مراحل دراسيه مختلفه قدرتى توفقى بين انك تذاكرى لهم وقمتى بواجبك تجاههم وتجاهى وبيتك على اكمل مايكون والاهم مبروك لأنكى اثبتى انه لايأس مع الحياه ومفيش حاجه اسمها مستحيل ومينفعشى وخلاص كبرنا وان شاء الله ربنا يحقق لك حلمك وحلمى لكى هناء بحبك"
وقالت هناء .."الكل قالي بلاش عيالك بقوا فثانوية وهتعملي ايه بالتعليم الا جوزي بصراحة هو الي ساعدني ووقف جنبي وساعدني اني انجح وانا مشيت ورا طموحي وحلمي اني اكون طالبه ثانوية عامة وما اتكسفتش بعد العمر ده "
وانتشر البوست علي Facebook بطريقه سريعه للغاية وحصد اكثر من 60 الف لايك و18 الف شير
وعلق رواد السوشيال ميديا “واحنا هنعوز ايه غير الونس والحنية "
واخري علقت "ألف مبروك نموذج يحتذى به من الإصرار والمثابرة والأمل ربنا يبارك لكم ويرزقكم بفضله وتحققوا أمانيكم الطيبة"
"اللهم بارك الف مبرووووك هي ناجحه اكيد بدعم حضرتك ليها المستمر ربنا يخليكم لبعض ويخلليكم اولادك "
والكثير من التعليقات المبهجة الايجابيه فقد نشر البوست حاله من الرحمة والموده علي السوشيال ميديا مؤكدًا انه مهما زادت صعاب الحياه ومهما تغير الاشخاص تبقا قلوب علي رداءها الابيض ويبقا الزواج موده ورحمة ودعم وانه مثل ما يوجد نماذج سلبيه تثير الذعر والفظع مثل جرائم قتل الازواج التي انتشرت في الفتره الاخيرة
يوجد أيضًا مثال الرحمة والعشرة الطيبة “محمد وهناء"
