ياسمين عبد العزيز تخرج من العناية المركزه و لكن الزيارة ما زالت ممنوعة..تعرف علي التفاصيل
صرح الفنان احمد العوضي ان الفنانه ياسمين عبد العزيز قد خرجت من العناية المركزة اليوم و لكن الزيارة ممنوعة لمده اسبوعين نظرا لحالتها الصحية.
قد نشر احمد العوضي عبر صفحته الشخصية فيسبوك وقال:
الحمد لله ياسمين خرجت من الرعايه المركزه لكن تعليمات الاطباء المعالجين ممنوع الزياره تماما لمدة اسبوعين خوفا عليها حيث ان الحاله تحت الرعايه الطبيه الشديده … حتي استقرار الحاله…
اعتذر لكم عن عدم ردي لكن اعذروني
غصب عني شكرا ليكم كلكم علي دعواتكم ليها ومشاعركم الطيبه وحبكم ليها ..... ادعولها ربنا يكملها علي خير وتقوم بالسلامه …
يذكر أن تعرضت الفنانة ياسمين عبد العزيز لأزمة صحية شديدة، دخلت على إثرها إحدى مستشفيات مصر الجديدة، لإجراء عملية جراحية صباح امس السبت.
حدث خطأ طبي اثناء اجراء العملية مما تسبب فى حدوث تلوث بكتيرى، واستلزم وضعها فى غرفة العناية المركزة لعلاجها املا فى تحسن حالتها الصحية فى الساعات القادمة.
يذكر ان الفنان احمد العوضي قد نشر امس عبر صفحته الشخصية رسالة مؤثرة عن زوجته ياسمين عبد العزيز:
"يمكن ببان قدامكم دايما قوي .. لكن الحقيقه انا دلوقتي اضعف انسان علي وجه الارض عشان انا روحي مش معايا ... انا ضعيف جدا من غيرك انتي لازم تبقي كويسه ولازم تقومي بالسلامه ... انا لاول مره اكتب من غير ما اكون مفكر انا بكتب ايه وهكتب ايه".
وتابع العوضي "بس انتي هتقومي ان شاء الله باذن الله عشان انتي وعداني وعد وهتتفذيه ... انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره ... وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك .... قومي عشان انا بحبك... بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا ... اكتر بكتير حتي من الموقف اللي احنا فيه دلوقتي .. انا بحبك ..
واختتم "ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم".
وطلب الفنان أحمد العوضي من جمهوره الدعاء لزوجته الفنانة ياسمين عبد العزيز بعد دخولها غرفة العمليات دون الكشف عن مزيد من التفاصيل.
نشر احمد العوضي هذه الرساله بعد دخولها بوقت قليل غرفة العمليات.
يذكر أن النجمة ياسمين عبد العزيز كانت حديث السوشيال ميديا طوال الفترة الماضي بعد دخولها حرب شرسة مع طليقها رجل الاعمال محمد حلاوة وشقيقته وزوجتة النجمة ريهام حجاج.
