محمد العدل لحلا شيحة: هتصرفي فلوس حرام..رجعي الفلوس

علقت الفنانة حلا شيحة صباح اليوم على حسابها الخاص على انستجرام بعد عرض كليب يجمعها مع الفنان تامر حسني في فيلم "مش أنا" قائلة: "أنا أتفاجئت بنزول كليب يجمع فيه مشاهد متفرقة من الفيلم وفي أيام ذي الحجة المباركة، واتفاجئت أكتر بعد وعد تامر حسني ليا وتأكيده أنه هيحترم رغبتي وبعض الطلبات اللي طلبتها منه، مضيفة احنا يمكن نجحنا بمقاييس الدنيا بس صدقوني بمقاييس ربنا احنا لم ننجح ، انا عارفة ومتأكده ان زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح".

وتابعت: "بتكلم من قلبي الكليب ده ميرضيش ربنا وانا عيطت لأني شفت نفسي في المشاهد دي، وانا تبت من المشاهد دي وهي لا تصح وانا غلطت".

وأضافت: " الفن لو بيخلينا نبعد عن منهج ربنا ومنبقاش قدوة لولادنا يبقى باطل وميبقاش فن".

ورد المنتج محمد العدل على تعليق الفنانة حلا شيحة قائلا: " ياريت بس لما تطلقي ماترجعيش تقولي عايزة أمثل تاني يا أستاذة حلا".

وأضاف: "اللي عملتيه شايفاه حرام هتصرفي فلوس حرام؟ رجعي الفلوس".